తలకు గాయమై ఆస్పత్రికి వస్తే.. దుస్తులు విప్పమంటూ.. స్కానింగ్ సెంటర్ సిబ్బంది అరాచకం

విశాఖపట్నంలోని ఓ ప్రైవేట్ ఆస్పత్రిలో దారుణం జరిగింది. తలకు గాయంతో ఆస్పత్రికి వచ్చిన ఓ మహిళ పట్ల స్కానింగ్ సెంటర్ ఇంఛార్జి అసభ్యంగా ప్రవర్తించాడు. స్కానింగ్ కోసం వెళ్తే దుస్తులు విప్పేయాలంటూ అసభ్యంగా ప్రవర్తించాడు. దీంతో మహిళ గట్టిగా కేకలు వేయగా.. విషయం తెలుసుకున్న స్థానికులు స్కానింగ్ సెంటర్ ఇంఛార్జికి దేహశుద్ధి చేశారు. అనంతరం పోలీసులకు అప్పగించారు. ఈ ఘటనపై కేసు నమోదు చేసిన పోలీసులు నిందితుడిని కోర్టు ఎదుట హాజరుపరిచారు. అనంతరం రిమాండ్‌కు తరలించారు.