తల్లిదండ్రులను పట్టించుకోని వారికి సజ్జనార్ స్ట్రాంగ్ వార్నింగ్.. ‘ఇకపై ఉపేక్షించేది లేదు’

హైదరాబాద్ సీపీ సజ్జనార్ మరోసారి తనదైన శైలిలో దూకుడుగా స్పందించారు. డ్రగ్స్, బెట్టింగ్ యాప్స్ తర్వాత ఇప్పుడు వృద్ధుల సంక్షేమంపై దృష్టి సారించారు. తల్లిదండ్రులను నిర్లక్ష్యం చేసే పిల్లలకు ఆయన గట్టి హెచ్చరికలు జారీ చేశారు. వారిని రోడ్డున వదిలేసే వారికి చట్టపరంగా కఠిన చర్యలు తప్పవని, పోలీసుశాఖ వృద్ధులకు అండగా ఉంటుందని భరోసా ఇచ్చారు. ఈమేరకు ఎక్స్ వేదికగా ఆయన ఒక వీడియో పోస్ట్ చేశారు. ప్రస్తుతం ఇది వైరల్ అవుతోంది.