తిరుపతి తొక్కిసలాటలో టీటీడీ, పోలీసుల తప్పులేదు.. భక్తులే పడిపోయారు: మాజీ ఎంపీ

తిరుపతి వైకుంఠ ద్వార దర్శనం టోకెన్ జారీ కేంద్రాల వద్ద జరిగిన ఘటనల్లో భక్తులు మరణంపై తిరుపతి మాజీ ఎంపీ చింతా మోహన్ సంచలన వ్యాఖ్యలు చేశారు. ఇందులో టీటీడీ వైఫల్యం లేదన్నారు. టీటీడీ అధికారులు ఈ మధ్య బాగా పనిచేస్తున్నారని.. గతంలో కంటే ఇప్పుడు చాలా మెరుగైందని వ్యాఖ్యానించారు. వాస్తవాలు చాలామందికి తెలియదు.. భక్తులు అంతకుముందు రోజు రాత్రంతా ప్రయాణాలు చేసి ఆత్రుతతో వచ్చి క్యూలో నిలబడ్డారన్నారు. వాళ్లు సరిగా అన్నం కూడా తినలేదు.. టిఫిన్లు కూడా చేయలేదు. దాంతో వాళ్ల బ్లడ్ షుగర్ లెవల్స్ పడిపోయాయన్నారు. అలా షుగర్ లెవల్స్ తగ్గిపోవడంతో కిందపడిపోయిన భక్తుల పక్కనే కొందరు స్థానికులు ఉన్నారన్నారు. ఎవరూ ఆ భక్తులను నెట్టలేదని.. వాళ్లకై వాళ్లే పడిపోయారన్నారు. ఈ ఘటనకు టీటీడీ ఈవో, అడిషనల్ ఈవో, పోలీసులకు ఎలాంటి సంబంధం లేదన్నారు.