తిరుమల ఘాట్ రోడ్డులో విరిగిపడ్డ కొండచరియలు.. ఈ ప్రాంతాల్లోకి భక్తులకు అనుమతి లేదు

Landslides In Tirumala Ghat Roads: తిరుమలలో భారీ వర్షాలు కురుస్తున్నాయి.. కొండపై వెళ్లే ఘాట్‌ రోడ్డులో కొండచరియలు విరిగిపడుతున్నాయి. ఈ క్రమంలో రోడ్డుపైన బండ రాళ్లు పడటంతో జేసీబీ సాయంతో రాళ్లను తొలగిస్తున్నారు. ట్రాఫిక్‌కు అంతరాయం లేకుండా టీటీడీ ముందుస్తు చర్యలు చేపట్టింది. తిరుమలకు ఘాట్‌ రోడ్డులో వెళ్లే భక్తులు అప్రమత్తంగా ఉండాలని హెచ్చరిస్తున్నారు. అలాగే టీటీడీ కొండపై పలు ప్రాంతాలకు భక్తుల్ని అనుమతించడం లేదు. టీటీడీ ఇవాళ వీఐపీ బ్రేక్ దర్శనాలను కూడా రద్దు చేసిన సంగతి తెలిసిందే.