తిరుమల రూపురేఖలు మారబోతున్నాయి.. త్వరలోనే, టీటీడీ ఈవో కీలక వ్యాఖ్యలు

TTD Designs Tirumala Model Town: తిరుమలను పక్కా ప్రణాళికతో కూడిన మోడల్‌ టౌన్‌గా తీర్చిదిద్దడమే తమ లక్ష్యమని టీటీడీ ఈవో శ్యామలరావు తెలిపారు. గతంలో విజన్‌ డాక్యుమెంట్‌ రూపొందించినా అమలు జరగలేదని.. ఇప్పుడు ఆ డాక్యుమెంట్ రూపొందించిన ప్రతినిధులతో సమావేశమయ్యామన్నారు. ఆ మాస్టర్‌ ప్లాన్‌లోని ముఖ్యమైన అంశాలను పరిగణనలోకి తీసుకోనున్నట్లు తెలిపారు. టీటీడీకి అర్బన్‌ డెవల్‌పమెంట్‌ అండ్‌ టౌన్‌ ప్లానింగ్‌ వింగ్‌ను ఏర్పాటు చేస్తామన్నారు. అంతేకాదు ఆధ్యాత్మిక చిహ్మాలు లేని కాటేజీలను అందుకు అనుగుణంగా నిర్మాణంలో మార్పు చేసేలా చర్యలు తీసుకోబోతున్నామన్నారు.