తిరుమల: వైకుంఠ ద్వార దర్శనం టోకెన్ల జారీలో అపశ్రుతి.. తోపులాటలో మహిళ మృతి

వైకుంఠ ఏకాదశిని పురస్కరించుకుని తిరుమల శ్రీవారి ఆలయంలో జనవరి 10 నుంచి 19 వరకూ వైకుంఠ ద్వార దర్శనాలు కల్పిస్తున్న సంగతి తెలిసిందే. ఇందుకోసం టీటీడీ శ్రీవారి భక్తులకు వైకుంఠ ద్వార దర్శనం టోకెన్లు జారీ చేస్తోంది. తిరుపతిలోని 8 కేంద్రాలు, తిరుమలలో ఒక చోట ద్వార దర్శనాల టోకెన్లు జారీ చేయనున్నారు. గురువారం తెల్లవారుజాము నుంచి ఈ టోకెన్లు జారీ చేయనుండగా.. బుధవారం సాయంత్రం నుంచి కేంద్రాల వద్ద భక్తులు తాకిడి పెరిగింది. ఈ క్రమంలోనే తిరుపతి విష్ణు నివాసం కేంద్రం వద్ద జరిగిన తోపులాటలో తమిళనాడులోని సేలంకు చెందిన ఓ మహిళా భక్తురాలు ప్రాణాలు కోల్పోయింది.