తిరుమల శ్రీవారి ఆలయంలో వైభవంగా కోయిల్ ఆళ్వార్ తిరుమంజనం.. దర్శనాలకు బ్రేక్!

TTD Koil Alwar Tirumanjanam In Tirumala Temple: తిరుమల శ్రీవారి ఆలయంలో కోయిల్ ఆళ్వార్ తిరుమంజనాన్ని శాస్త్రోక్తంగా నిర్వహించారు. ఉదయం 6 గంటల నుంచి 11 గంటల వరకు గర్భాలయం, ఆలయ ప్రాంగణాన్ని శుద్ధి చేశారు. అలాగే గర్భాలయంలో దేవతామూర్తులను, పూజా సామగ్రిని పరిమళ సుగంధ మిశ్రమంతో శుభ్రపరిచారు. అక్టోబరు 4 నుంచి 12 వరకు శ్రీవారి సాలకట్ల బ్రహ్మోత్సవాల సందర్భంగా తిరుమంజనం నిర్వహించారు. తిరుమంజనం అనంతరం స్వామివారికి ప్రత్యేక పూజలు, నివేదనలు సమర్పించారు. ఆ తర్వాత భక్తులను శ్రీవారి దర్శనానికి అనుమతించారు.