తిరుమల శ్రీవారి లడ్డూకు భారీ డిమాండ్.. రికార్డు స్థాయిలో విక్రయాలు..

తిరుమల శ్రీవారి లడ్డూకు ఏటికేడు డిమాండ్ పెరుగుతోంది. ప్రపంచవ్యాప్తంగా తిరుమల లడ్డూకు ఉన్న ప్రాధాన్యం ప్రత్యేకంగా పరిచయం చేయాల్సిన పనిలేదు. కోట్లాది మంది హిందువులు తిరుపతి లడ్డూను అత్యంత పవిత్రంగా భావిస్తుంటారు. ఈ క్రమంలోనే ఏటా తిరుపతి లడ్డూల విక్రయాలు పెరుగుతున్నాయి. ఈ విషయాన్ని తిరుమల తిరుపతి దేవస్థానం తెలిపింది. శ్రీవారి దర్శనానికి వచ్చే భక్తుల రద్దీ పెరుగుతున్న నేపథ్యంలో లడ్డూ విక్రయాలు కూడా పెరుగుతున్నాయని.. జూన్ నెలలో రికార్డు స్థాయిలో తిరుమల లడ్డూల విక్రయాలు జరిగినట్లు టీటీడీ వెల్లడించింది.