తిరుమలలో మళ్లీ చిరుత కలకలం.. శ్రీవారి మెట్టు వద్ద సంచారం

కాలినడక తిరుమలకు వెళ్లే భక్తులను క్రూర మృగాలు భయపెడుతున్నాయి. గతేడాది తల్లిదండ్రులతో కలిసి వెళ్తుండగా.. చిన్నారిపై దాడిచేసి ఎత్తుకెళ్లాయి. ఈ ఘటన తీవ్ర కలకలం రేగింది. ఆ తర్వాత కూడా కొన్ని ఘటనలు జరిగాయి. ఈ విషయంలో టీటీడీ వ్యవహరించిన తీరుపై తీవ్ర విమర్శలు వెల్లువెత్తాయి. రక్షణకు ఎటువంటి చర్యలు తీసుకోవడం లేదని భక్తులు ఆగ్రహం వ్యక్తం చేశారు. కాగా, మరోసారి తిరుమలలో చిరుత పులి సంచారంతో భక్తులు భయాందోళనకు గురవుతున్నారు.