తిరుమలలో రాధిక.. రజనీకాంత్‌కు పుట్టినరోజు శుభాకాంక్షలు

తిరుమల శ్రీవారిని సినీ నటి రాధిక శరత్ కుమార్ గురువారం దర్శించుకున్నారు. గురువారం ఉదయం విఐపీ విరామ సమయంలో స్వామి వారి సేవలో పాల్గొని మొక్కులు చెల్లించుకున్నారు. దర్శనం అనంతరం రంగనాయకుల మండపంలో వేదపండితులు వేదశీర్వచనం అందించారు. అనంతరం ఆలయ అధికారులు శ్రీవారి తీర్థప్రసాదాలు అందజేసి సత్కరించారు. అనంతరం మీడియాతో మాట్లాడిన రాధిక.. హీరో రజనీకాంత్‌కు పుట్టినరోజు శుభాకాంక్షలు తెలియజేశారు. బాధలు లేకుండా ప్రశాంతమైన జీవితాన్ని గడపాలని కోరుకున్నట్లు తెలిపారు.