తిరుమలలో రెచ్చిపోయిన టీడీపీ ఎమ్మెల్యే.. టీటీడీ సిబ్బందిపై నోటి దురుసు, ఆ రూల్ కూడా తెలియదా!

Tirumala TDP Mla Thomas Issue: తిరుమలలో గంగాధర నెల్లూరు ఎమ్మెల్యే వీఎం థామస్ హంగామా సృష్టించారు. తన అనుచరులను ప్రోటోకాల్ దర్శనానికి అనుమతించాలని టీటీడీ ఉద్యోగులతో వాగ్వాదానికి దిగారు. సిబ్బంది నిబంధనల ప్రకారం కుదరదని చెప్పడంతో వివాదం మొదలైంది. జనరల్ బ్రేక్ దర్శనం టికెట్లు ఉన్న అనుచరులను ప్రోటోకాల్‌లో అనుమతించేందుకు నిరాకరించడంతో ఎమ్మెల్యే అధికారులను దుర్భాషలాడారు. చివరికి టీటీడీ ఉన్నతాధికారులు జోక్యం చేసుకుని నిబంధనల ప్రకారమే దర్శనం సాధ్యమని తేల్చి చెప్పడంతో పరిస్థితి సద్దుమణిగింది.