తుని ఆర్టీసీ డ్రైవర్ డ్యాన్స్.. వీడియోకు మంత్రి లోకేష్ ఫిదా.. కానీ షాకిచ్చిన అధికారులు!

Tuni Rtc Driver Dance: కాకినాడ జిల్లా తుని ఆర్టీసీ డిపో కాంట్రాక్ట్‌ డ్రైవర్‌ లోవరాజు డ్యాన్స్‌కు మంత్రి లోకేష్ ఫిదా అయ్యారు. ఆయన దేవర సినిమా పాటకు డ్యాన్స్‌ వేసి అదరగొట్టారు. మూడురోజుల క్రితం జరిగిన ఈ సంఘటన నెట్టింట వైరల్‌గా అయ్యింది. మంత్రి లోకేష్ డ్రైవర్‌ డ్యాన్స్‌ను మెచ్చుకుంటూ ట్వీట్‌ చేశారు. విద్యార్థుల ప్రత్యేక బస్సు వెళ్తుండగా ఆ దారిలో ఓ భారీ వాహనం అడ్డువచ్చి ఓ గంటసేపు ఆగిపోవాల్సి వచ్చింది. ఆ సమయంలో డ్రైవర్ డ్యాన్స్ చేశారు. అయితే ఆ డ్రైవర్‌ విధినిర్వహణలో అలక్ష్యం వహించాడని భావించి డ్యూటీకి రావొద్దంటూ మౌఖికంగా ఆదేశాలు ఇచ్చినట్టు తెలుస్తోంది.