తెలంగాణ ప్రభుత్వ ఉద్యోగులకు షాక్.. నిబంధనల్లో కీలక మార్పులు, అలా చేస్తే ఉద్యోగం ఊడినట్లే!

తెలంగాణ ప్రభుత్వ ఉద్యోగులకు సంబంధించిన నిబంధనల్లో కీలక మార్పులు చోటుచేసుకున్నాయి. అందులో భాగంగా సివిల్ సర్వీసెస్ రూల్స్‌లో తెలంగాణ ప్రభుత్వం కీలక సవరణలు చేసినట్లు సమాచారం. దాని ప్రకారం.. ఏడాదికి పైగా అనధికారికంగా గైర్హాజరైతే.. ఉద్యోగం కోల్పోయే ప్రమాదం ఉంది. ఇక ఐదేళ్లకు పైగా కంటిన్యుగా గైర్హాజరైతే సర్వీస్ నుంచి తొలగించనున్నట్లు తెలుస్తోంది. మరోవైపు, ప్రభుత్వ ఉద్యోగులకు ఇటీవల తెలంగాణ ప్రభుత్వం శుభవార్త చెప్పింది. డీఏ పెంపుతో పాటు రూ. 1.02 కోట్ల విలువైన ఉచిత ప్రమాద బీమా పథకాన్ని ప్రభుత్వం ప్రకటించింది.