తెలంగాణ మహిళలకు గుడ్‌న్యూస్.. బ్యాంకు లోన్‌తో సోలార్ పవర్ ప్లాంట్లు.. ఏడాదికి రూ.30 లక్షల ఆదాయం

తెలంగాణలోని మహిళలను ఆర్థికంగా బలోపేతం చేసేందుకు రాష్ట్ర ప్రభుత్వం చర్యలు తీసుకుంటుంది. ఇప్పటికే మహిళాశక్తి పథకం కింద పట్టణాల్లో క్యాంటీన్లను ఏర్పాటు చేసేందుకు ప్రోత్సహిస్తున్నారు. 17 రంగాల్లో స్వయం ఉపాధి అవకాశాలను కల్పిస్తున్నారు. తాజాగా మహిళా సంఘాలచే సౌర విద్యుత్తు ప్లాంట్లను స్థాపింపజేయాలని నిర్ణయించారు. స్వయం సహాయక సంఘాలకు ఫెడరేషన్ల ద్వారా రాష్ట్రంలో పెద్ద ఎత్తున సోలార్ పవర్ ఉత్పత్తికి త్వరతిగతిన చర్యలు ప్రారంభించాలని డిప్యూటీ సీఎం భట్టి విక్రమార్క ఆదేశించారు.