తెలంగాణ యువతకు శుభవార్త.. హైదరాబాద్‌లో గూగుల్ సేఫ్టీ సెంటర్.. దేశంలోనే మొదటిది..

భాగ్యనగరానికి మరో ప్రతిష్టాత్మక సంస్థ రానుంది. హైదరాబాద్‌లో గూగుల్ సేఫ్టీ ఇంజనీరింగ్ సెంటర్ ఏర్పాటు కోసం గూగుల్, తెలంగాణ ప్రభుత్వం మధ్య ఒప్పందం కుదిరింది. సీఎం రేవంత్ రెడ్డి నివాసంలో ఆయనతో భేటీ అయిన గూగుల్ ప్రతినిధులు.. ఈ మేరకు ఒప్పందం చేసుకున్నారు. ప్రపంచవ్యాప్తంగా గూగుల్ సేఫ్టీ ఇంజనీరింగ్ సెంటర్లు నాలుగు ఉండగా.. హైదరాబాద్‌లో ఏర్పాటయ్యే సెంటర్ ఐదవది కానుంది. అలాగే ఆసియా పసిఫిక్ దేశాల్లో ఈ సెంటర్ రెండోదని సీఎం రేవంత్ రెడ్డి తెలిపారు.