తెలంగాణ రహదారులకు మహర్దశ.. ఒకేసారి రూ. లక్ష కోట్ల పనులు.. పల్లెల నుంచి పట్టణాల దాకా!

తెలంగాణను 3 ట్రిలియన్ డాలర్ల ఆర్థిక వ్యవస్థగా మార్చే లక్ష్యంతో ప్రభుత్వం ముందుకు వెళ్తోంది. అందులో భాగంగా రాష్ట్రంలో మౌలిక సదుపాయాల కల్పనపై దృష్టి సారించింది. ఈ మేరకు రాష్ట్ర వ్యాప్తంగా రోడ్ల నిర్మాణానికి పెద్దపీట వేస్తోంది. ప్రస్తుతం రూ. లక్ష కోట్లకు పైగా విలువైన వివిధ రహదారుల ప్రాజెక్టులు జరుగుతున్నాయి. 4 లేన్ల రోడ్లు, ఎలివేటెడ్ కారిడార్లు, రీజినల్ రింగ్ రోడ్డు వంటివి తెలంగాణ ముఖచిత్రాన్ని మార్చనున్నాయి. గ్రామీణ ప్రాంతాలకు కూడా కనెక్టివిటీని మెరుగుపరిచే దిశగా ప్రభుత్వం రోడ్ల నిర్మాణం, విస్తరణ చేపడుతోంది.