తెలంగాణ సర్పంచ్‌కు గుంటూరు ఎంపీ పెమ్మసాని సన్మానం.. కారణం ఇదే..

రాజకీయాల్లో సరిహద్దులు లేవని నిరూపిస్తూ.. ఆంధ్రప్రదేశ్‌కు చెందిన కేంద్ర మంత్రి పెమ్మసాని చంద్రశేఖర్పై ఉన్న అభిమానంతో తెలంగాణలో ఒక అభ్యర్థి సర్పంచ్‌గా విజయం సాధించారు. ప్రచారంలో పెమ్మసాని ఫోటోను వాడుకుని గెలిచిన ఈ వార్త సోషల్ మీడియాలో వైరల్ అవ్వడంతో.. మంత్రి స్పందించి ఆ సర్పంచ్‌ను తన నివాసానికి ఆహ్వానించారు. ఈ సందర్భంగా సర్పంచ్‌ను శాలువాతో ఘనంగా సన్మానించి.. గ్రామ అభివృద్ధిపై చర్చించారు. సేవా గుణమే తనను ప్రభావితం చేసిందని సర్పంచ్ తెలపగా, ప్రాంతాలకు అతీతంగా ప్రజల కోసం పనిచేసే వారిని ప్రోత్సహిస్తానని మంత్రి హామీ ఇచ్చారు.