తెలంగాణకు 'మురసు' తుపాను ముప్పు.. ఈ జిల్లాల్లో భారీ వర్షాలు, హెచ్చరికలు జారీ

బంగాళాఖాతంలో ఏర్పడిన వాయుగుండం ఆదివారం తీవ్ర తుపానుగా మారే అవకాశాలున్నాయని వాతావరణ శాఖ వెల్లడించింది. నవంబరు 3న ఆంధ్రప్రదేశ్‌లోని నెల్లూరు, నరసాపురం మధ్య తీరాన్ని దాటే అవకాశం ఉందని అంచనా వేస్తున్నారు. మురసుగా నామకరణం చేసిన ఈ తుపాను ప్రభావంతో నవంబరు 4 వరకు తెలంగాణలోని పలు జిల్లాల్లో వర్షాలు కురిసే సూచనలు ఉన్నాయన్నారు. ముఖ్యంగా మహబూబ్‌నగర్, నాగర్‌కర్నూల్, వనపర్తి, నారాయణపేట, జోగులాంబ గద్వాల జిల్లాల్లో భారీ వర్షాలు కురిసే అవకాశముందన్నారు.