తెలంగాణలో ఈ 4 ప్రాంతాల్లో కొత్త ఎయిర్‌పోర్టులు.. ఇక ప్రపంచంతోనే మన పోటీ: సీఎం రేవంత్

ప్రపంచంతో పోటీ పడే విధంగా తెలంగాణను అభివృద్ధి చేస్తామని సీఎం రేవంత్ రెడ్డి అన్నారు. పొరుగు రాష్ట్రాల్లో బస్ డిపోల మాదిరిగా ఎయిర్‌పోర్టులు ఉన్నాయని.. తెలంగాణలోనూ కొత్త ఎయిర్‌పోర్టులు నిర్మిస్తామని చెప్పారు. ఏ రాష్ట్ర అభివృద్ధికైనా ఎయిర్‌ కనెక్టివిటీ ముఖ్యమని అందుకే తెలంగాణలో వరంగల్, ఆదిలాబాద్, కొత్తగూడెం, రామగుండంలో కొత్త ఎయిర్‌పోర్టులు నిర్మించనున్నట్లు వెల్లడించారు.