తెలంగాణలో కులగణన.. నెల రోజుల్లోనే ఆ ప్రక్రియ పూర్తి చేసేలా.. రేవంత్ సర్కార్ దూకుడు..!

తెలంగాణ అసెంబ్లీ ఎన్నికల్లో ఇచ్చిన ఒక్కో మాటను నెరవేర్చుకుంటూ రేవంత్ రెడ్డి సర్కార్ దూసుకుపోతోంది. ఈ క్రమంలోనే.. కులగణన అంశాన్ని కూడా ప్రభుత్వం ప్రతిష్ఠాత్మకంగా తీసుకుంది. ఈ క్రమంలోనే.. కులగణనకు సర్కార్ కసరత్తు షురూ చేసింది. విధివిధానాలు తయారు చేసే దిశగా అడుగులు వేస్తోంది. అది కూడా కేవలం నెల రోజుల్లోనే పూర్తి చేయాలని భావిస్తున్నట్టు తెలుస్తోంది. ఈ మేరకు.. మంత్రి పొన్నం ప్రభాకర్ నేతృత్వంలో కీలక సమావేశం నిర్వహించారు.