తెలంగాణలో బీసీ కుల గణన.. రేవంత్ సర్కార్‌కు హైకోర్టు కీలక ఆదేశాలు.. సర్పంచ్ ఎన్నికలు అప్పుడే..?

Telangana High Court: రేవంత్ రెడ్డి సర్కారుకు తెలంగాణ హైకోర్టు కీలక ఆదేశాలు జారీ చేసింది. మూడు నెలల్లో బీసీ కుల గణన పూర్తి చేయటమే కాకుండా.. ఆ నివేదికను సమర్పించాలని ప్రభుత్వాన్ని ధర్మాసనం ఆదేశించింది. 2019లో హైకోర్టులో వేసిన పిటిషన్‌పై విచారణ జరిపిన హైకోర్టు.. పిటిషన్‌ తరపు న్యాయవాది వాదనలు, ప్రభుత్వం తరపున వాదనలు విని.. ఈమేరకు తీర్పునిచ్చింది. దీంతో.. రాష్ట్రంలో స్థానిక సంస్థల ఎన్నికల నిర్వాహణపై సర్వత్రా ఆసక్తి నెలకొంది.