తెలంగాణలో వర్షాలు.. వాతావరణ శాఖ కీలక అప్డేట్

ఆగస్టు మొదటి వారంలో తెలంగాణలో భారీ వర్షాలు కురిసే అవకాశం ఉందని హైదరాబాద్ వాతావరణ కేంద్రం తెలిపింది. అరేబియా సముద్రంలో ఏర్పడిన అల్పపీడనం వాయుగుండంగా మారే సూచనలు కనిపిస్తున్నాయన్నారు. రేపటి నుంచి వారం రోజుల పాటు రాష్ట్రంలో గంటకు 40-50 కిలోమీటర్ల వేగంతో గాలులు వీస్తాయని అధికారులు అంచనా వేశారు. దీంతోపాటు, ఆగస్టు 5 తర్వాత మరో అల్పపీడనం కారణంగా భారీ వర్షాలు కురిసే అవకాశముంది. నేడు పలు ప్రాంతాల్లో ఓ మోస్తరు వర్షాలకు ఛాన్స్ ఉందన్నారు.