దటీజ్ పవన్ కళ్యాణ్.. ఇచ్చిన మాట నిలబెట్టుకున్న డిప్యూటీ సీఎం

Pawan Kalyan School Ground Rs 60 Lakhs: ఏపీ డిప్యూటీ సీఎం పవన్ కళ్యాణ్ ఇచ్చిన మాట నిలబెట్టుకున్నారు. ఆగస్టు 23న అన్నమయ్య జిల్లా రైల్వేకోడూరు మండలం మైసూరివారిపల్లెకు వెళ్లిన పవన్.. అక్కడ గ్రామసభలో పాఠశాలకు క్రీడామైదానం కోసం స్థలం కొనిస్తానని మాట ఇచ్చారు. రూ.60 లక్షల సొంత డబ్బుతో ఎకరం స్థలం కొనుగోలు చేసి మైసూరివారిపల్లె పంచాయతీ పేరిట రిజిస్ట్రేషన్‌ చేయించారు. ఆ డాక్యుమెంట్లను మంగళగిరిలోని ఉపముఖ్యమంత్రి క్యాంపు కార్యాలయంలో అన్నమయ్య జిల్లా కలెక్టర్‌ శ్రీధర్‌, రాజంపేట సబ్‌కలెక్టర్‌ నిధియాదేవి సమక్షంలో మైసూరివారిపల్లె సర్పంచ్‌ సంయుక్తకు అందజేశారు.