దసరా ఎఫెక్ట్‌.. 3 రోజుల్లోనే 1.40 కోట్ల మంది ప్రయాణాలు.. మరో 3 రోజులు స్పెషల్ బస్సులు!

బతుకమ్మ, దసరా పండుగల నేపథ్యంలో ఆర్టీసీ బస్సులకు భారీగా డిమాండ్‌ పెరిగింది. కేవలం 3 రోజుల్లోనే 1.40 కోట్ల మంది ప్రయాణాలు చేశారు. మరో 3 రోజులపాటు పండగ స్పెషల్ బస్సులను నడపనున్నారు. ఇక.. ప్రయాణికుల రద్దీని ఎదుర్కొనేందుకు ఆర్టీసీ ప్రత్యేక సర్వీసులను పెంచడంతో పాటు బస్సుల నిర్వహణపై ప్రత్యేక దృష్టి పెట్టింది. మహిళలకు మహాలక్ష్మి పథకం ద్వారా లభిస్తున్న ఉచిత ప్రయాణ సౌకర్యం పండుగ సమయంలోనూ కొనసాగుతోంది.