దీపావళి నుంచే ఉచిత గ్యాస్ సిలిండర్లు.. బుకింగ్ ముందే మొదలు.. ఎప్పటి నుంచంటే?

chandrababu free gas cylinder scheme: ఏపీ మహిళలకు ముఖ్యమంత్రి చంద్రబాబు దీపావళి కానుక ప్రకటించారు. దీపావళి నుంచి మరో సంక్షేమ పథకం అమలు చేసేందుకు రాష్ట్ర ప్రభుత్వం నిర్ణయించింది. దీపావళి కానుకగా దీపం పథకం కింద ఉచిత గ్యాస్ సిలిండర్ల పథకం ప్రారంభించనున్నారు. అక్టోబర్ 31 నుంచి అర్హులైన ప్రతి ఒక్క కుటుంబానికి ఉచితంగా ఏడాదికి మూడు గ్యాస్ సిలిండర్లు అందిస్తామని చంద్రబాబు ప్రకటించారు. దీనిపై పౌరసరఫరాలశాఖతో సమీక్షించిన చంద్రబాబు.. పథకం అమలుకు ఏర్పాట్లు చేయాలని ఆదేశించారు. ఈ పథకం అమలుకు ఏడాదికి రూ.2,684 కోట్లు ఖర్చు కానుంది.