దీపావళి వేళ పవన్ కళ్యాణ్‌ ఎమోషనల్ ట్వీట్.. చిలుకూరు ఆలయ ప్రధానార్చకుడి ప్రశంసలు

దీపావళి పండుగను పురస్కరించుకుని ఏపీ డిప్యూటీ సీఎం పవన్ కళ్యాణ్ చేసిన ఓ ఎమోషనల్ ట్వీట్‌పై చిలుకూరు బాలాజీ ఆలయ ప్రధానార్చకులు రంగరాజన్ స్పందించారు. ట్విట్‌లో పవన్ కళ్యాణ్ ఇచ్చిన సందేశాన్ని రంగరాజన్ అభినందించారు. పాకిస్తాన్‌కు చెందిన ఓ స్కూల్ పిల్లాడు పాడిన పాటను షేర్ చేస్తూ.. పాకిస్తాన్, బంగ్లాదేశ్‌లోని హిందువులందరికీ దీపావళి శుభాకాంక్షలు తెలుపుతూ పవన్ కళ్యాణ్ ట్వీట్ చేశారు. ఆయన ఇచ్చిన మెస్సేజ్‌ను అభినందిస్తూ రంగరాజన్ ఓ వీడియో విడుదల చేశారు.