దూసుకొస్తున్న వాయుగుండం.. ఆ జిల్లాలకు ఆకస్మిక "వరదల గండం"

ఏపీలో వరుణుడు దంచికొడుతున్నాడు. బంగాళాఖాతంలో వాయుగుండం ప్రభావంతో రాయలసీమ, దక్షిణ కోస్తా జిల్లాల్లో భారీ వర్షాలు కురుస్తున్నాయి. దీంతో ప్రజలంతా ఇళ్లకే పరిమితమయ్యారు. ఓవైపు భారీ వర్షాలు పడుతుంటే.. మరోవైపు ఏపీ విపత్తుల నిర్వహణ సంస్థ ప్రజలకు కీలక హెచ్చరికలు జారీ చేసింది. వాయుగుండం దూసుకువస్తోందని.. దీని ప్రభావంతో అత్యంత భారీ వర్షాలు కురుస్తాయని హెచ్చరించింది. అలాగే కొన్ని జిల్లాలలో ఆకస్మిక వరదలు వచ్చే అవకాశం ఉందని.. లోతట్టు గ్రామాల ప్రజలు అప్రమత్తంగా ఉండాలని హెచ్చరించింది.