దోమల కోసం మస్కిటో కాయిల్‌ పెడితే.. టింబర్‌ డిపో బుగ్గి, రూ.లక్షల్లో నష్టం

హైదరాబాద్‌ కూకట్‌పల్లిలో దోమల నివారణ కోసం వెలిగించిన మస్కిటో కాయిల్‌ నుంచి మంటలు వ్యాపించి టెంట్‌హౌస్‌ షెడ్డుతోపాటు బీఎస్పీ ఇండస్ట్రీస్‌ టింబర్‌ డిపో దగ్ధమయ్యాయి. గురువారం అర్ధరాత్రి జరిగిన ఈ ప్రమాదంలో భారీగా ఆస్తినష్టం సంభవించగా.. యాదగిరి, రాజు అనే ఇద్దరు యువకులు స్వల్ప గాయాలతో బయటపడ్డారు. నాలుగు ఫైర్‌ ఇంజిన్లు తెల్లవారుజాము వరకు శ్రమించి మంటలను ఆర్పాయి. స్థల వివాదం నేపథ్యంలో ప్రమాదంపై అనుమానాలున్నాయని డిపో యజమాని సత్యనారాయణ ఆరోపించారు.