నన్ను చూసి ఎవరూ ఇలాంటి తప్పు చేయొద్దు.. అలిపిరి వైరల్ వీడియోలోని యువతి క్షమాపణలు

తిరుపతిలోని అలిపిరి చెక్ పాయింట్ వద్ద ఓ యువతి రీల్స్ సోషల్ మీడియాలో వైరల్ అయిన సంగతి తెలిసిందే. పుష్ప 2 సినిమాలోని కిస్సింగ్ సాంగ్‌కు అలిపిరి చెక్ పాయింట్ వద్ద డ్యాన్స్ చేసిన యువతి.. ఇన్‌స్టాగ్రామ్‌లో షేర్ చేసింది. దీంతో అలిపిరి వీడియో వైరల్ కాగా.. నెటిజనం, శ్రీవారి భక్తులు మండిపడుతున్నారు. పవిత్రమైన శ్రీవారి సన్నిధిలో ఇదేం పని అంటూ ఆగ్రహం వ్యక్తం చేస్తున్నారు. దీంతో తెలిసో తెలియకో తప్పు చేశానని, క్షమించాలంటూ అలిపిరి వైరల్ వీడియో లోని యువతి క్షమాపణలు కోరారు.