నన్నే అన్నా అంటావా.. సెలూన్ షాపులో రెచ్చిపోయిన ఎస్ఐ, సస్పెండ్ చేసిన అధికారులు..

కరీంనగర్ త్రీటౌన్ ఎస్ఐ చైతన్య సుందర్‌ను ఉన్నతాధికారులు సస్పెండ్ చేశారు. సెలూన్ షాపులో ఓ బార్బర్‌ను దుర్భాషలాడి, చేయి చేసుకున్నందుకు ఈ నిర్ణయం తీసుకున్నారు. అన్నా అని పిలిచినందుకు సెలూన్ షాపులోని వర్కర్ మీద ఎస్ఐ చేయి చేసుకున్న వీడియో సోషల్ మీడియాలో వైరల్ అయ్యింది. దీంతో నెటిజన్లు తీవ్రస్థాయిలో మండిపడ్డారు. దీంతో ఈ వ్యవహారం ఉన్నతాధికారుల వద్దకు చేరగా.. విచారణ జరిపిన ఉన్నతాధికారులు, నిజమేనని తేలటంతో ఎస్ఐ చైతన్య సుందర్‌ను సస్పెండ్ చేశారు.