నవంబర్ 9న శ్రీశైలానికి చంద్రబాబు.. ఆ రోజే సరికొత్త కార్యక్రమానికి శ్రీకారం..

ఆంధ్రప్రదేశ్ ముఖ్యమంత్రి నారా చంద్రబాబు నాయుడు ఈ నెల 9న శ్రీశైలానికి వెళ్లనున్నారు. విజయవాడ పున్నమి ఘాట్ వద్ద సీ ప్లేన్ సర్వీసును ప్రారంభించనున్న చంద్రబాబు.. అందులోనే శ్రీశైలానికి వెళ్లనున్నారు. శ్రీశైలం మల్లిఖార్జునస్వామిని దర్శించుకున్న తర్వాత.. తిరిగి సీ ప్లేన్‌లోనే విజయవాడకు చేరుకుంటారు. ఈ విషయాన్ని అధికారులు వెల్లడించారు. ముఖ్యమంత్రి పర్యటన నేపథ్యంలో అధికారులు కట్టుదిట్టమైన భద్రతా ఏర్పాట్లు చేస్తున్నారు. మరోవైపు విజయవాడ శ్రీశైలం మధ్య సీ ప్లేన్ సర్వీసులు విజయవంతమైతే మరికొన్ని చోట్ల ఈ సర్వీసులు తేవాలని అధికారులు భావిస్తున్నారు.