నాకు నమస్కారం పెట్టాల్సి వస్తుందనే.. జగన్ అసెంబ్లీకి రావట్లేదు: స్పీకర్ అయ్యన్నపాత్రుడు

మాజీ సీఎం వైఎస్ జగన్ మోహన్ రెడ్డికి ఏపీ అసెంబ్లీ స్పీకర్ చింతకాయల అయన్నపాత్రుడు ఛాలెంజ్ చేశారు. నవంబర్‌లో ఏపీ అసెంబ్లీ సమావేశాలు జరుగుతాయన్న అయన్నపాత్రుడు.. వైఎస్ జగన్ అసెంబ్లీకి రావాలన్నారు. వస్తే ఇద్దరం కలిసి కూర్చుని మాట్లాడుకుందామన్నారు. తనకు నమస్కారం చెప్పాల్సి వస్తుందనే భయం, సిగ్గుతోనే జగన్ అసెంబ్లీకి రావటం లేదని ఎద్దేవా చేశారు. సోమవారం నర్సీపట్నంలో జరిగిన పల్లె పండుగ కార్యక్రమంలో పాల్గొన్న అయ్నన్నపాత్రుడు పలు అభివృద్ధి పనులకు శంకుస్థాపనలు చేశారు.