నాన్న దిద్దిన క్రికెటర్.. నితీష్ కుమార్ రెడ్డి స్టోరీలో అసలైన హీరో ముత్యాలరెడ్డి..

బాక్సింగ్ డే టెస్టులో సెంచరీతో సత్తాచాటిన టీమిండియా నయా సెన్సేషన్ నితీష్ కుమార్ రెడ్డిపై ప్రశంసల వర్షం కురుస్తోంది. నితీష్ కుమార్ రెడ్డి సెంచరీ.. గ్యాలరీలో ముత్యాలరెడ్డి ఆనంద భాష్పాలు సోషల్ మీడియాలో చక్కర్లు కొడుతున్నాయి. ఓ క్రికెటర్‌గా తన కొడుకును చూడాలన్న ముత్యాలరెడ్డి తపన.. జట్టు కష్టాల్లో ఉన్న సమయంలో నితీష్ కుమార్ రెడ్డి సెంచరీ చేసినప్పుడు అతనికి కలిగిన ఆనందం.. వైరల్ అవుతున్నాయి. ఈ క్రమంలోనే నితీష్ కుమార్ రెడ్డిని క్రికెటర్‌గా తీర్చిదిద్దే క్రమంలో ముత్యాలరెడ్డి అసలైన హీరో అంటూ అభినందనలు వెల్లువెత్తుతున్నాయి .