నిజామాబాద్ జిల్లాలో దారుణం.. పెళ్లి చేయలేదని తండ్రిని చంపిన కుమారుడు

పెళ్లీడు వచ్చినా ఇంకా పెళ్లి చేయటం లేదన్న కోపంతో ఓ కసాయి కుమారుడు కన్నతండ్రిని పొట్టనపెట్టుకున్నాడు. గొంతు నులిమి కిరాతకంగా హత్య చేశాడు. ఆ తర్వాత ఏం తెలియనట్లు సినిఫక్కీలో నాటకం ఆడాడు. తన తండ్రి సహజంగానే మృతి చెందాడని అందర్నీ నమ్మించి అంత్యక్రియలు పూర్తి చేశాడు. అయితే మృతుడి ఒంటిపై గాయాలు గుర్తించిన బంధువులు అనుమానంతో పోలీసులకు ఫిర్యాదు చేశారు. కుమారుడిని అదుపులోకి తీసుకొని విచారించగా.. అసలు విషయం వెలుగులోకి వచ్చింది. ఈ ఘటన నిజామాబాద్ జిల్లాలో చోటు చేసుకుంది.