నిరుద్యోగ మహిళలకు తీపి కబురు.. అంగన్వాడీ పోస్టుల భర్తీకి నోటిఫికేషన్ విడుదల

జోగులాంబ గద్వాల జిల్లాలోని నిరుద్యోగ మహిళలకు గుడ్‌న్యూస్. మూడు ఐసీడీఎస్ ప్రాజెక్టుల పరిధిలో ఖాళీగా ఉన్న మొత్తం 73 అంగన్వాడీ పోస్టుల భర్తీకి జిల్లా కలెక్టర్ రిజ్వాన్ బాషా షేక్ నోటిఫికేషన్ విడుదల చేశారు. ఇందులో 64 అంగన్వాడీ టీచర్ పోస్టులు, 9 గిరిజన ప్రాంతాల అంగన్వాడీ ఆయా పోస్టులు ఉన్నాయి. అర్హత కలిగిన మహిళా అభ్యర్థులు జూలై 8వ తేదీ సాయంత్రం 5 గంటల లోపు ఆన్‌లైన్ ద్వారానే దరఖాస్తు చేసుకోవాల్సి ఉంటుంది. పూర్తి వివరాల కోసం అధికారిక వెబ్‌సైట్‌ను సందర్శించవచ్చునని కలెక్టర్ తెలిపారు.