నీ అయ్య లెక్క అందరూ ఉండరు.. కాంగ్రెస్ ఎంపీ ట్వీట్.. నెటిజన్ల ఘాటు కామెంట్లు

తెలంగాణలో రాజకీయ నేతల మధ్య విమర్శలు హద్దు మీరుతున్నాయి. ఒకరిని చూసి ఒకరు అన్నట్టుగా.. దూషణలు చేయటం, బూతులు తిట్టటంపైనే నేతలు ఫోకస్ చేసినట్టుగా కనిపిస్తోంది. ఈ మేరకు.. బీఆర్ఎస్ వర్కింగ్ ప్రెసిడెంట్ కేటీఆర్ చేసిన ఓ సెటైరికల్ ట్వీట్‌పై భువనగిరి కాంగ్రెస్ ఎంపీ చామల కిరణ్ కుమార్ చేసిన ట్వీట్ ఇప్పుడు సర్వత్రా చర్చనీయాంశంగా మారుతోంది. అందులో బీఆర్ఎస్ అధినేత కేసీఆర్‌ను ఎంపీ సంబోధించటంపై నెటిజన్లు అభ్యంతరం వ్యక్తం చేస్తున్నారు.