నెలలు గడుస్తున్నా వీడని మర్డర్ మిస్టరీ.. కర్టెన్‌ సాయంతో క్లోజ్.. ఏం ట్విస్ట్‌రా సామీ!

మడకశిర మర్డర్ మిస్టరీ వీడింది. వివాహేతర సంబంధం పెట్టుకున్న ఓ భార్య.. కట్టుకున్న భర్తను కుమారుడు, ప్రియుడితో కలిసి హత్య చేసింది. పోలీసుల నుంచి తప్పించుకోవాలనే ఉద్దేశంతో భర్త శవాన్ని మాయం చేయాలని నిర్ణయించుకుంది. ఇందుకోసం కర్ణాటక నుంచి వంద కిలోమీటర్ల దూరంలో ఉన్న ఏపీలోని మడకశిర ప్రాంతానికి మృతదేహాన్ని తీసుకువచ్చారు. అక్కడ హంద్రీనీవా కెనాల్ పక్కన పడేసి వెళ్లిపోయారు. అయితే శవానికి చుట్టిన డోర్ కర్టెన్ హంతకులను పట్టించింది. నిందితులను పోలీసులు అదుపులోకి తీసుకున్నారు.