‘నేను లంచం తీసుకోలేదు.. రుజువులు లేకుండా మాట్లాడకండి’.. ఎమ్మెల్యే ఆవేదన..

తనపై జరుగుతున్న దుష్ప్రచారంపై మిర్యాలగూడ ఎమ్మెల్యే బత్తుల లక్ష్మారెడ్డి తీవ్రంగా స్పందించారు. తాను ఎక్కడైనా లంచం తీసుకున్నట్లు నిరూపిస్తే వెంటనే తన పదవికి రాజీనామా చేస్తానని సవాల్ విసిరారు. తన కుమారుడి రిసెప్షన్ కోసం దాచుకున్న రూ. 2 కోట్లను రైతుల సంక్షేమం కోసం ఇస్తే.. ఆ చెక్కును ఫేక్ అంటూ కొందరు తప్పుడు ప్రచారం చేస్తున్నారని ఆవేదన వ్యక్తం చేశారు. ప్రస్తుతం నియోజకవర్గంలో రూ. 400 కోట్లతో అభివృద్ధి పనులు జరుగుతున్నాయని.. రాజకీయంగా ఎదుర్కోలేకనే ఇలాంటి చిల్లర వేషాలు వేస్తున్నారని మండిపడ్డారు.