పర్యాటకులకు గుడ్‌న్యూస్.. నాగార్జునసాగర్‌ గేట్లు మళ్లీ ఓపెన్

నాగార్జున సాగర్ జలాశయానికి వరద ప్రవాహం కొనసాగుతోంది. దీంతో అధికారులు మరోసారి ప్రాజెక్టులోని రెండు క్రస్ట్‌ గేట్లను ఎత్తి దిగువకు నీటిని విడుదల చేస్తున్నారు. ప్రాజెక్టు పూర్తిస్థాయి నీటిమట్టమైన 590 అడుగులకు చేరింది. జలాశయం పూర్తిస్థాయి నీటి నిల్వ సామర్థ్యం 312.04 టీఎంసీలకు పెరిగింది. ప్రస్తుతం నాగార్జున సాగర్‌లోకి 65,827 క్యూసెక్కుల వరద వస్తోంది. ఔట్‌ఫ్లో ప్రాజెక్టు నుంచి దిగువకు 60,644 క్యూసెక్కుల నీటిని విడుదల చేస్తున్నారు.