పవన్ కళ్యాణ్ ఆదేశాలతో రంగంలోకి అధికారులు.. సరస్వతి పవర్ భూముల్లో సర్వే

ఆంధ్రప్రదేశ్‌లో ప్రస్తుతం సరస్వతి పవర్ సంస్థ వార్తల్లో నిలుస్తున్న సంగతి తెలిసిందే. అయితే ఈ సంస్థకు ఉన్న భూములపై సర్వే చేయాలని ఏపీ డిప్యూటీ సీఎం పవన్ కళ్యాణ్ అధికారులను ఆదేశించారు. పల్నాడు జిల్లాలోని సరస్వతి పవర్ సంస్థ భూముల్లో.. అటవీ భూములు కూడా ఉన్నాయనే ఆరోపణలు, వార్తల నేపథ్యంలోనే డిప్యూటీ సీఎం ఈ ఆదేశాలు జారీ చేశారు. ఇక పవన్ కళ్యాణ్ ఆదేశాలతో అధికారులు కూడా అప్రమత్తమయ్యారు. శనివారం అటవీశాఖ అధికారులు పల్నాడు జిల్లాలోని దాచేపల్లి, మాచవరం మండలాల్లో సర్వే చేశారు.