పవన్ కళ్యాణ్‌ను నమ్మి.. కీలక బాధ్యతలు అప్పగించిన మోదీ..

జనసేన అధినేత, ఆంధ్రప్రదేశ్ డిప్యూటీ సీఎం పవన్ కళ్యాణ్‌కు భారతీయ జనతా పార్టీ మరో కీలక బాధ్యతలు అప్పగించింది. మహారాష్ట్ర అసెంబ్లీ ఎన్నికలు జరుగుతున్న సంగతి తెలిసిందే. ఈ ఎన్నికల్లో బీజేపీ కూటమి తరుఫున పవన్ కళ్యాణ్ ప్రచారం చేయనున్నారు. నవంబర్ 20న మహారాష్ట్ర అసెంబ్లీ ఎన్నికల పోలింగ్ జరగనుండగా.. ఈ నెల 16, 17 తేదీలలో పవన్ కళ్యాణ్ మహారాష్ట్ర ఎన్నికల ప్రచారంలో పాల్గొంటారు. తెలుగువారు ఎక్కువగా నివశించే ప్రాంతాల్లో పవన్ కళ్యాణ్ ప్రచారం సాగేలా కమలనాథులు వ్యూహాలు రచిస్తున్నారు.