పాతబస్తీలో టెన్షన్ టెన్షన్.. కూల్చివేతలు.. నిరసనలు.. అరెస్టులు..

హైదరాబాద్ నగరంలో అక్రమ నిర్మాణాలపై కొరడా ఝళిపిస్తున్న ప్రత్యేక విభాగం హైడ్రా.. తాజాగా పాతబస్తీపై దృష్టి సారించింది. ఇప్పటివరకు ఆ ప్రాంతానికి పెద్దగా వెళ్లని హైడ్రా.. గురువారం తెల్లవారుజామున చంద్రాయణగుట్ట నియోజకవర్గంలోని అక్బర్ నగర్‌లో భారీ ఎత్తున కూల్చివేతలు చేపట్టింది. బండ్లగూడ మండలం పరిధిలోని సర్వే నంబర్లు 303 నుంచి 306 వరకు ఉన్న సుమారు 2000 గజాల ప్రభుత్వ భూమిని ఆక్రమించి నిర్మించిన కట్టడాలను హైడ్రా బృందం కూల్చివేసింది. ఈ చర్యతో ఆ ప్రాంతంలో ఒక్కసారిగా ఉద్రిక్త వాతావరణం నెలకొంది.