పురోహితుడి ప్రాణం తీసిన కొబ్బరిబొండం.. అనుకోని రీతిలో మరో వ్యక్తి కూడా మృతి

ఎన్టీఆర్ జిల్లా విజయవాడ బైపాస్‌లో జరిగిన రోడ్డు ప్రమాదంలో ఇద్దరు వ్యక్తులు ప్రాణాలు కోల్పోయారు.రాజమండ్రికి చెందిన హరిప్రసాద్ అనే పురోహితుడు.. హైదరాబాద్ నుంచి కారులో రాజమహేంద్రవరం వస్తున్నారు. ఈ సమయంలో ఆయన కారు అదుపుతప్పి ఓ బైకును, ఓ కంటైనర్‌ను బలంగా ఢీకొట్టింది. ఈ ప్రమాదంలో కారులోని హరిప్రసాద్ అక్కడిక్కడే ప్రాణాలు కోల్పోయారు. బైక్ మీద ఉన్న గురవయ్య అనే వ్యక్తి కారు ఢీకొనడంతో కిందపడి మృతి చెందారు. అయితే కారు బ్రేక్, క్లచ్ మధ్యలో కొబ్బరిబొండం ఇరుక్కోవటం వలనే ప్రమాదం జరిగిందని పోలీసులు భావిస్తున్నారు.