పులివెందులలో కాల్పుల కలకలం.. వినాయక మండపం దగ్గర టీడీపీ నేతల మధ్య గొడవతో ఉద్రిక్తత

Pulivendula Gun Firing Episode: కడప జిల్లా పులివెందులలో వినాయకుడి విగ్రహం దగ్గర టీడీపీ నేతల పుష్పనాథ్‌రెడ్డి, విజయ్‌‌కుమార్ రెడ్డిల మధ్య వివాదం రేగింది. ఇరు వర్గాలు ఘర్షణకు దిగాయి.. రాళ్లతో దాడి చేసుకున్నాయి. విజయ్‌కుమార్‌రెడ్డి ఇంటి దగ్గర మూడు వాహనాలు ధ్వంసమయ్యాయి. అక్కడ పరిస్థితిని అదుపులోకి తెచ్చేందుకు హజ్ కమిటీ డైరెక్టర్ బాషా వెళ్లారు. ఈక్రమంలో ఆయన గన్‌మెన్ గాల్లోకి ఒక రౌండ్ కాల్పులు జరిపారు.అనంతరం పోలీసులు పరిస్థితిని అదుపులోకి తీసుకొచ్చారు.