పేద విద్యార్థులకు ఉచిత ఆన్‌లైన్ ఐటీ శిక్షణ.. రేవంత్ సర్కార్‌తో 'మాటా' ఒప్పందం

Mana American Telugu Association: తెలుగు సమాజ అభ్యన్నతికి అవసరమైన ప్రతిసారీ మేమున్నామంటూ ముందుకొచ్చే మన అమెరికన్ తెలుగు అసోసియేషన్ (మాటా) మరో స్ఫూర్తిదాయకమైన నిర్ణయం తీసుకుంది. సామాజిక సేవను కూడా బాధ్యతగా తీసుకున్న మాటా.. తెలంగాణ ప్రభుత్వంతో పని చేసేందుకు ముందుకొచ్చింది. ఈ క్రమంలోనే.. రాష్ట్రంలో ఆర్థికంగా వెనుకబడిన విద్యార్థులకు ఉచితంగా ఆన్‌లైన్ ఐటీ శిక్షణ ఇచ్చేందుకు.. ఐటీ శాఖ మంత్రి శ్రీధర్ బాబు ఆధ్వర్యంలో టాస్క్‌తో ఒప్పందం చేసుకుంది.