పేదల భూములు కబ్జా చేస్తావా..?..రియల్ ఎస్టేట్ దళారిపై చేయి చేసుకున్న ఎంపీ ఈటల

'పేదల భూములు కబ్జా చేస్తావా..?' అంటూ బీజేపీ ఎంపీ ఈటల రాజేందర్ ఓ రియల్ ఎస్టేట్ దళారిపై చేయి చేసుకున్నారు. మేడ్చల్‌ జిల్లా పోచారం మున్సిపాలిటీ పరిధిలో ఈ ఘటన చోటుచేసుకుంది. మున్సిపాలిటీలోని ఏకశిలానగర్‌లో మంగళవారం పర్యటించిన ఈటల.. బాధితుల ఫిర్యాదుతో స్థిరాస్తి దళారిపై ఫైరయ్యారు. ఈ క్రమంలో అతడిపై చేయిచేసుకున్నారు. ఇంటి స్థలాల యజమానులను ఎందుకు ఇబ్బంది పెడుతున్నావంటూ లాగిపెట్టి కొట్టారు. పేదలు కొనుక్కున్న స్థలాలకు బీజేపీ అండగా ఉంటుందని చెప్పారు.