ప్రయాణాలు వాయిదా వేసుకోండి.. మరో రెండు రోజుల పాటు వర్షాలు..

హైదరాబాద్‌లో ఒక్కసారిగా వాతావరణం మారిపోయింది. చూస్తుండగానే కుండపోత వర్షం కురిసింది. క్షణాల్లోనే రోడ్లన్నీ జలమయం అయ్యాయి. ఎక్కడికక్కడ వాహనాలు ఆగడంతో.. ట్రాఫిక్‌కు తీవ్ర అంతరాయం ఏర్పడింది. ఆఫీసుల నుంచి ఇళ్లకు వెళ్లే వారు తీవ్ర ఇబ్బందులకు గురయ్యారు. అవసరం ఉంటే తప్ప బయటకు రావొద్దని అధికారులు హెచ్చరించారు. ఈ వర్షం ఇంకా మరో 2 నుంచి మూడు గంటల వరకు కురిసే అవకాశం ఉందని వాతావరణ శాఖ అధికారులు తెలియజేశారు.