ప్రయాణికులకు ఆర్టీసీ గుడ్‌న్యూస్.. 5,261 స్పెషల్ బస్సులు.. ఏ సిటీకి ఎన్ని సర్వీసులంటే..!

ఏపీఎస్ ఆర్టీసీ దసరా కోసం ప్రత్యేక ఏర్పాట్లు చేస్తుంది. ప్రయాణికుల రద్దీని దృష్టిలో పెట్టుకుని 5 వేలకు పైగా స్పెషల్ బస్సులను వేసింది. ప్రధాన నగరాలైన హైదరాబాద్, బెంగళూరు, చెన్నైల నుంచి పెద్ద ఎత్తున ఈ బస్సు సర్వీసులను నడపనుంది. అక్టోబర్ 16 నుంచి 25వ తేదీ వరకు మొత్తం 10 రోజుల పాటు ఈ స్పెషల్ బస్సులు అందుబాటులో ఉంటాయి. ఈ బస్సుల్లో అదనపు ఛార్జీలు కూడా ఉండవు. ఈ మేరకు ఆర్టీసీ అధికారులు ప్రయాణికులు ముందుగానే టిక్కెట్లు బుక్ చేసుకుని, ఆర్టీసీ బస్సుల్లో సురక్షితంగా ప్రయాణించాలని సూచించారు.