ప్రయాణికులకు ఊరట.. సంక్రాంతి నుంచి విజయవాడ బైపాస్‌పై వాహనాల పరుగులు..

Vijayawada West Bypass Opening Date: కూటమి ప్రభుత్వం అధికారంలోకి వచ్చాక నిలిచిపోయిన పనుల్లో కదలిక వచ్చింది. విజయవాడ పశ్చిమ బైపాస్ ప్యాకేజీ-4 పనులు వేగంగా జరుగుతున్నాయి. ఇటీవల వర్షాల కారణంగా కురగల్లులో కొండవీటి వాగు ఉద్ధృతంగా ప్రవహించింది. ఈ సమయంలో నష్ట నివారణ చర్యల్లో భాగంగా కురగల్లులో 40 మీటర్ల మేర రహదారిని తొలగించారు. ఇప్పుడు పరిస్థితులు కుదుటపడటంతో పునరుద్ధరణ పనులు ప్రారంభమయ్యాయి. ఈ రహదారిని సంక్రాంతి నాటికి పూర్తి చేసి అందుబాటులోకి తీసుకురావాలని లక్ష్యంగా పెట్టుకున్నారు.