ప్రేమపెళ్లి.. యువకుడ్ని స్తంభానికి కట్టేసి కొట్టి యువతిని ఎత్తుకెళ్లిన పేరెంట్స్

ఎనిమిదేళ్ల ప్రేమకు పెద్దల అంగీకారం దక్కలేదు. దీంతో ఇంటి నుంచి వెళ్లిపోయి గుడిలో పెళ్లి చేసుకున్న ప్రేమజంటపై యువతి కుటుంబసభ్యులు కర్రలు, రాళ్లతో దాడి చేశారు. యువకుడిని స్తంభానికి కట్టి కొట్టి, యువతిని బలవంతంగా తీసుకెళ్లారు. ఈ ఘటన ఏలూరు జిల్లాలో కలకలం రేపింది. బాధితుల ఫిర్యాదుతో పోలీసులు కేసు నమోదు చేసి, యువతి కోసం గాలిస్తున్నారు. యువతి పనిచేస్తోన్న పోస్ట్ ఆఫీస్‌లో మరో మహిళా ఉద్యోగిపై కూడా దాడి చేశారు.